Finss.az xəbər verir ki, Avropa İttifaqının xarici işlər naziri Kaja Kallas cümə günü bildirib ki, Avropa İttifaqı Rusiya, Çin və Hindistan şirkətlərinə ixrac nəzarətini gücləndirməyi planlaşdırır.
"Biz daha çox kimya və metallurgiya məhsullarına, duzlara və filizlərə ixrac məhdudiyyətləri tətbiq edəcəyik, həmçinin Rusiya, Çin və Hindistan şirkətlərinə ixrac nəzarətini gücləndirəcəyik" deyə o, sosial mediada yazıb.
Daha sonra Kallas 19-cu sanksiya paketi ilə bağlı Aİ Şurası üçün Avropa Komissiyası tərəfindən qəbul edilmiş qanunvericilik təklifinin məzmunu ilə bağlı bəyanatla çıxış edib və bu təklifdə Rusiyanın bir sıra texnologiyalar və resurslara çıxışını məhdudlaşdıran tədbirləri təsdiqləyib.
"Bu yeni sanksiyalar, həmçinin Rusiyanın süni intellekt və geoməkan məlumatları da daxil olmaqla texnologiyalara və silah istehsalında istifadə olunan kritik resurslara çıxışını məhdudlaşdıracaq", - Aİ xarici işlər naziri bildirib.
O, aydınlaşdırdı ki, bura "xarici təchizatçılardan, o cümlədən Çin və Hindistandan alınan" resurslar daxildir.
